ປ່າສະຫງວນພູຕາສານ ຕັ້ງຢູ່ທາງທິດເໜືອ ຂອງເມືອງຜົ້ງສາລີ ຊຶ່ງມີຊາຍແດນ
ທິດຕາເວັນອອກຕິດກັບ ສປ ຈີນ, ທິດໃຕ້ຕິດກັບເມືອງຜົ້ງສາລີ, ທິດເໜືອຕິດ
ກັບ ສປ ຈີນ ແລະ ທິດຕາເວັນຕົກຕິດກັບ ເມືອງບຸນເໜືອ, ເຊິ່ງເປັນເຂດທີ່ມີ
ສັດນ້ຳ-ສັດປ່າ ແລະ ຄວາມຫຼາກຫຼາຍທາງດ້ານຊີວະນາໆພັນ ທີ່ຍັງຮັກສາ
ຄວາມອຸດົມສົມບູນ ດ້ວຍລະບົບນິເວດວິທະຍາ ແລະ ຊິວະວິທະຍາ. 

ວັດແຫ່ງນີ້ຕັ້ງຢູ່ອູໃຕ້ ຕາມທີ່ຄົນທ້ອງຖິ່ນເວົ້າວ່າ: ວັດແຫ່ງນີ້ຖືກສ້າງຂຶ້ນໃນປີ
1445, ສ້າງພ້ອມດຽວກັບວັດສີສະເກດ (ວຽງຈັນ) ແລະ ວັດຊຽງຮູ ແຂວງຢູນນານ
ສປ ຈີນ, ວັດເຫຼົ່ານີ້ມີຮູບຊົງ ແລະ ລັກສະນະຄ້າຍຄືກັນ, ໂຄງສ້າງຂອງຫຼັງຄາ
ອອກແບບໂດຍນາຍຊ່າງ ທີ່ມີປະສົບການ, ແຕ່ລະພາກສ່ວນຂອງຫຼັງຄາ ແມ່ນມຸງ
ດ້ວຍດິນຂໍ ທີ່ຜະລິດຈາກດິນໜຽວ ທີ່ມີຄວາມທົນທານ ຈົນມາເຖິງວັນນີ້. ມີໄລຍະ
ທາງຫ່າງຈາກເທດສະບານ ແຂວງ 137 ກິໂລແມັດ.

ວັດຫຼວງອູເໜືອ ເມືອງຍອດອູ. (ຜົ້ງສາລີ)

ວັດຫຼວງ ເປັນວັດທີ່ມີຄວາມສວຍງາມ ແລະ ໃຫຍ່ໂຕ, ລັກສະນະໂຄງສ້າງ ແມ່ນ
ອອກແບບຂອງເຜົ່າລື້, ພ້ອມທັງຫຼັງຄາທີ່ມີຮູບແບບໂຄ້ງຕ່ຳ ທີ່ມຸງດ້ວຍດິນຂໍ ທີ່ເຮັດ
ດ້ວຍດິນໜຽວ ແລະ ອ້ອມຮອບທາສີດ້ວຍສີນ້ຳຄຳທາງຫຼັງຖ້ານບ່ອນທີ່ພະເຈົ້າ
ປະທັບ ຈະມີແຜ່ນຈາລຶກ ທີ່ບອກກ່ຽວກັບ ປະຫວັດຄວາມເປັນມາຂອງວັດແຫ່ງນີ້.

ທາດອົງໄຫ ເມືອງຍອດອູ. (ຜົ້ງສາລີ)

ວັດແຫ່ງນີ້ ຕັ້ງຢູ່ໃນປ່າ ຟາກກົງກັນຂ້າມຂອງແມ່ນ້ຳອູ, ມີຂັ້ນໄດຍ່າງຂຶ້ນໄປຫາວັດ
ນີ້465ຂັ້ນເມື່ອຂຶ້ນໄປເຖິງທາດທ່ານສາມາດຊົມວິວທີ່ສວຍສົດງົດງາມທັງສອງດ້ານ
ຂອງວັດ ໂດຍສະເພາະແມ່ນ ດ້ານວິວທາງອູເໜືອ ແລະ ໂຕວັດເອງ ກໍ່ມີການ
ປະດັບປະດາດ້ວຍລວດລາຍການແກະສະລັກ ທີ່ໜ້າປະທັບໃຈຫຼາຍໆຢ່າງ.

ຫີນຮູບພະບາດ ບ້ານພໍ້ ເມືອງຍອດອູ. (ຜົ້ງສາລີ)

ຫີນທີ່ມີຮູບຮ່າງຄ້າຍຄືພະບາດຂອງພະພຸດທະເຈົ້າ ເປັນສະຖານທີ່ທີ່ສັກ ສິດແຫ່ງ
ໜຶ່ງ ທີ່ຊາວເມືອງຍອດອູໃຫ້ຄວາມເຄົາລົບ ແລະ ເປັນສິ່ງທີ່ແປກຫູ ແປກຕາທີ່ຊອກ
ຊົມໄດ້ຍາກໃນເຂດອື່ນ ຈຶ່ງເປັນທີ່ສົນໃຈຂອງແຂກຕ່າງດ້າວທ້າວຕ່າງແດນທີ່ໄດ້ມາ
ຊົມໃນຂົງເຂດນີ້.

ທາດກິ່ວອໍ ເມືອງຍອດອູ. (ຜົ້ງສາລີ)

ທາດນີ້ ສ້າງຂຶ້ນຢູ່ເທິງເນີນພູ, ທາສີດ້ວຍສີເຫລືອງ-ຂາວ, ມີທີ່ຕັ້ງຫ່າງຈາກອູໃຕ້
ໄປທາງທິດໃຕ້ປະມານ 4 ກິໂລແມັດ ເສັ້ນທາງລະຫວ່າງທາງ ໄປຫາທາດ
ຂ້ອນຂ້າງລຳບາກ ແລະ ໃຊ້ເວລາເດີນທາງປະມານ 5 ຊົ່ວໂມງ ຈຶ່ງໄປເຖິງທາດ
ດັ່ງກ່າວນີ້.

ຄ້າຍເກົ່າຝຣັ່ງ ເມືອງຍອດອູ. (ຜົ້ງສາລີ)

ຄ້າຍເກົ່າທະຫານຝຣັ່ງທີ່ສ້າງຂຶ້ນໃນສະໄໝສົງຄາມຝຣັ່ງ ແລະ ຍັງເຫຼືອຮ່ອງຮອຍ
ໃຫ້ຄົນຮຸ້ນຫຼັງໄດ້ສຶກສາແລະຮຽນຮູ້ປະຫວັດວ່າເຂົາເຈົ້າຂົມເຫັງທາລຸນຄົນລາວເຮົາ
ໃຫ້ເປັນທາດເຂົາເຈົ້າໃນ

ໜອງຫຼວງອູເໜືອ ເມືອງຍອດອູ. (ຜົ້ງສາລີ)

ໜອງຫຼວງ ຕັ້ງຢູ່ບ້ານອູເໜືອ, ເປັນໜອງຂອງບ້ານອູເໜືອເຊິ່ງເປັນໜອງທີ່ມີ
ຂະໜາດໃຫຍ່ ແລະ ມີນ້ຳໃສສະອາດ, ຊາວ ບ້ານໄດ້ມີການປ່ອຍປານາໆພັນ
ລົງໃນໜອງດັ່ງກ່າວ ແລະ ມີການແຜ່ພັນເປັນຈຳນວນຫຼວງຫຼາຍ.

ທາດຫົວເມືອງ. ເມືອງຍອດອູ (ຜົ້ງສາລີ)

ພະທາດ ທາສີດ້ວຍສີເຫຼືອງ ແລະ ວັດນີ້ ເປັນວັດທີ່ເກົ່າແກ່ທີ່ສຸດຂອງອູໃຕ້ມີ ຮູບ
ພະຍານາກສອງໂຕ ທີ່ປັ້ນດ້ວຍຊີເມນທັງສອງຂ້າງຂອງພະທາດ, ພະທາດນີ້ ແມ່ນ
ສ້າງຂຶ້ນ ພາຍຫຼັງປະຊາຊົນໃນເຂດນັ້ນ ໄດ້ລົ້ມຕາຍຈຳນວນຫຼວງ ຫຼາຍ ດ້ວຍ
ເຊື້ອໂລກລະບາດ.

ທາດກິວແອກ.ເມືອງຍອດອູ (ຜົ້ງສາລີ)

ທາດນີ້ ມີປະຫວັດໜຶ່ງ ທີ່ເລົ່າຈາກຜູ້ເຖົ້າຜູ້ແກ່ໃນເຂດນີ້ເວົ້າວ່າ: ໃນປີໜຶ່ງທີ່ມີນ້ຳ
ຖ້ວມຢ່າງຮຸນແຮງ ແລະ ມີຄວາຍໂຕໜຶ່ງ ທີ່ໄຫຼໄປກັບກະແສນ້ຳ ເຊິ່ງຊາວບ້ານຄິດ
ວ່າຄວາຍໂຕນັ້ນບໍ່ລອດແລ້ວ.

ແຫຼ່ງທ່ອງທ່ຽວພູຟ້າ ເມືອງຜົ້ງສາລີ. (ຜົ້ງສາລີ)

ພູຟ້າ ແມ່ນມິ່ງຂັວນຂອງຊາວເມືອງເທດສະບານແຂວງຜົ້ງສາລີ ເປັນພູທີ່ສວຍສົດ
ງົດງາມ, ຕັ້ງຢູ່ຕາເວັນອອກ ສຽງເໜືອຂອງຕົວເມືອງຜົ້ງສາລີ; ພູຟ້າມີຄວາມສູງ
1,625 ແມັດ ທຽບຈາກໜ້ານ້ຳທະເລ, ມີຂັ້ນໄດຂຶ້ນ 863 ຂັ້ນ ແລະ ມີເນື້ອທີ່ທັງ
ໜົດ 200 ເຮັກຕາ